شبكة الحلم : رسالة لجماهير الأهلي.. أول تعليق من إمام عاشور عقب إصابته (صور)

وجه إمام عاشور رسالة لجماهير النادي الأهلي، عقب تعرضه للإصابة بكسر في عظمة الترقوة، خلال مواجهة إنتر ميامي، في افتتاح بطولة كأس العالم للأندية.

وكتب إمام عاشور عبر حسابه على إنستجرام: “ما قدر الله لك فهو آت إليك، وما لم يقدره لك فلن يصيبك، الحمد لله على كل شيء”.

وأضاف: “الإصابة كانت صعبة وجت في أول لحظات ليا في البطولة، وده قدر ربنا ولازم نرضى به”.

وتابع: “كان نفسي أكون موجود وأقاتل مع إخواتي في الملعب، بس دا نصيبي ودلوقتي داخل اعمل العملية، وإن شاء الله أرجع أقوى”.

وأكمل: “الإحساس اللي جوايا دلوقتي مش سهل، بس اللي مخليني ثابت هو إيماني بدعمكم ودعواتكم”.

وأتم: “المرحلة دي محتاجة منكم تبقوا ورا كل لاعب في الفريق، سواء قديم أو جديد، كلهم بيلعبوا بقلبهم وبيحبوا النادي وبيخافوا عليه، صدقوني دعمكم بيفرق جدًا، واللاعيبة مستنياكم زي ما دايمًا واقفين في ضهرنا”.

وكان التعادل السلبي قد حسم نتيجة لقاء الأهلي وإنتر ميامي، في افتتاح منافسات مونديال الأندية 2025، على أرضية ملعب هارد روك فجر اليوم الأحد.

وشارك إمام عاشور بصفة أساسية في تشكيل الأهلي، قبل أن يتعرض لإصابة قوية، دفعت المدرب خوسيه ريبييرو لاستبداله والدفع بأحمد سيد زيزو في الشوط الأول.